|
ՍԴ աշխատակազմի նախկին ղեկավար Էդգար Ղազարյանի ֆեյսբուքյան իր էջում գրում է .
«Պաշտոնազրկվել է Նիկոլ Փաշինյանի հրաժարականը պահանջած հերթական գեներալը: Հայ ժողովրդի ամենամեծ թշնամի և ամենամեծ դավաճան Նիկոլ Փաշինյանի կամակատար, Հանրապետության նախագահ Արմեն Սարգսյանը 2021 թվականի օգոստոսի 2-ին՝ Նիկոլ Փաշինյանին Հայաստանի վարչապետ, իսկ նրա հանցախմբի ներկայացուցիչներին տարբեր պաշտոններում նշանակելուն զուգահեռ, Հայաստանի Հանրապետության զինված ուժերի պատրաստության գլխավոր վարչության մարտական պատրաստության վարչության պետի պաշտոնից ազատել է գեներալ-մայոր Վալերիկ Քոչարյանին։ Նա մեկն էր ԶՈՒ այն բարձրաստիճան զինվորականներից, ովքեր 2021 թվականի փետրվարի 21-ին հանդես էին եկել Նիկոլ Փաշինյանի և նրա գլխավորած կառավարության հրաժարականի պահանջով։ Ցավոք, Զինված ուժերի ղեկավար կազմը չկարողացավ դրսևորել կամային վճռականություն և հասնել իրենց խելամիտ պահանջի կատարմանը՝ շարունակելով ենթարկվել ազգակործան դավաճանին և ծառայել նրա ապազգային ծրագրերին։ Ինչպես կարելի էր կանխատեսել՝ ժամանակի ընթացքում Նիկոլ Փաշինյանը հերթով-կարգով ինքն է պաշտոնազրկում իր հրաժարականը պահանջած զինվորականներին, որոնց, հավանաբար, ոչ հեռու ապագայում սպասվում է պատերազմի և պարտության ողջ մեղքը բարդելու տխուր հեռանկարը։ Նիկոլ Փաշինյանի հրաժարականը պահանջելուց հետո, նրա առաջարկություններով Արմեն Սարգսյանի հրամանագրերով 2021 թվականի մայիսի 4-ին պաշտոնից ազատվել է ՀՀ ԶՈՒ ԳՇ օպերատիվ գլխավոր վարչության պետ, ԶՈՒ գլխավոր շտաբի պետի տեղակալ, գեներալ-լեյտենանտ Կարեն Աբրահամյանը։ 2021 թվականի հունիսի 24-ին պաշտոնազրկվել են ՀՀ ԶՈՒ Հակաօդային պաշտպանության զորքերի պետ-վարչության պետ գեներալ-մայոր Արմեն Վարդանյանը և ՀՀ ԶՈՒ Ինժեներական զորքերի պետ-վարչության պետ գեներալ-մայոր Իշխան Մաթևոսյանը։ 2021 թվականի հուլիսի 7-ին Նիկոլ Փաշինյան-Արմեն Սարգսյանն տանդեմը գեներալ-մայոր Գրիգորի Խաչատուրովին ազատել են 3-րդ բանակային կորպուսի հրամանատարի պաշտոնից։ Հայրենիքը թշնամուն հանձնելուն զուգահեռ բանակը կոտրելու և կործանելու ծրագիրը շարունակվում է։ Չպետք է մոռանալ, որ Նիկոլ Փաշինյանը հայտարարել է հազարավոր քրեական գործերի մասին, որոնցով անցում են պատերազմից հրաշքով ողջ մնացած բազմաթիվ գեներալներ և սպաներ»։ |
