▲ Դեպի վեր

lang.iso lang.iso lang.iso

ՎԵՐՋԻՆ ԼՈւՐԵՐԸ

Հենրիկ Հարթենյանը վայր կդնի ավագանու մանդատը և կհեռացվի ՔՊ-ից

Հայաստանը գտնվում է քյարթու կոռուպցիոն երկրների շարքում. Հրանտ Բագրատյան

Ու էս լակոտիզմը սահման չունի․ ԲՀԿ-ական ավագանին՝ իմքայլական գործընկերոջ գրառման մասին

Երևանում թալանել են «գոլդ» համարանիշներով թանկարժեք ավտոմեքենաներ

«Գրիչի հեքիաթը»․ պատմում է դերասան Սերգեյ Դանիելյանը

Կարանտինի մեջ գտնվող Ուհան քաղաքում ՀՀ առնվազն 3 քաղաքացի կա

Գրիչն արժե 166 դոլար. Անժելա Թովմասյան

Շոկի մեջ եմ գրիչի գինն իմանալով․ Նիկոլ Փաշինյան

Վանեցյանն առաջարկում է նոր վարչապետ ընտրել

Հրայր Թովմասյանը կարողանում է 530 եվրո արժողությամբ գրիչ ունենալ. Ստյոպա Սաֆարյան

Կարևոր է, որ Իսրայելը ճանաչի Հայոց ցեղասպանությունը․ Արմեն Սարգսյանն՝ Իսրայելի նախագահին

Հրայր Թովմասյանը փաստաբանական թիմին խնդրել է պատրաստել Փաշինյանի դեմ հայցադիմումը

Նիկոլ Փաշինյանի խոստացած գրառում-արժանահավատ փաստը Հրայր Թովմասյանի մասին

Արժեքները, որ կերտել ենք Երուսաղեմում, ոչ միայն մերն են, այլև համաշխարհային մշակույթինը․ Սարգսյան

Սպաներին հորդորում ենք զերծ մնալ շանտաժի միջոցներով իրենց իրավունքները պաշտպանելու փորձերից.. . .

Նոր կառավարությունը պայմանավորվածություններ չունի ո՛չ արտաքին խաղացողների, ո՛չ էլ միջազգային. . .

Կրակոցներով ուղեկցված միջադեպի մասնակիցների մեջ են դպրոցի ուսուցիչ և Արմաշի «ՋՕՄ»-ի պետը․ մանրամասներ

Բեմից՝ հեռուստաէկրան. «Հարսանիք թիկունքում» ներկայացումն էկրանավորվում է

«Սա մարզերի զարգացման և հզորացման հիանալի տարբերակ է». Մարիամ Փաշինյան

Սահմանային անցակետի փշալարերի տակով անցած 2 քաղաքացին հայտնաբերվել են. նրանք զինված են եղել

Տեր և Տիկին Սարգսյաններն այցելել​ են​ Սուրբ​ Հարության​ տաճար

Հեղափոխությունը սրբել է այդ անցյալը․ Մարիա Կարապետյան

Հանկարծ չստիպես զինվորականներին, որ դեն նետեն Սմերչը, Բուկը․․․ Զաքարյանը՝ Փաշինյանին

ՀՀ-ն տնտեսական աճի տեմպով առաջինն է ԵՏՄ, ԱՊՀ երկրների շարքում, նաև եվրոպական տարածաշրջանում

КамАЗ-ով Երևանում 10-ամյա երեխային մահացու վրաերթի ենթարկած վարորդը ստորագրությամբ ազատ է արձակվել

Հուզական, ագրեսիվ առաջնորդությունը վտանգներ է պարունակում. Արթուր Վանեցյան

Ժողովուրդ ջան, էսօր էլ ենք Կապանում մնալու, հանգիստ քնեք

Երեւան հասնեմ՝ Հրայր Թովմասյանի ակնկալած արժանահավատ փաստը կհրապարակեմ․ վարչապետ

Ռուսաստանում օդի ջերմաստիճանը հասել է -70 աստիճանի. Գագիկ Սուրենյան

Բոլորն աչքին «Աշոտյան» են թվում․ Մարուքյանը պատասխանել է Փաշինյանին

Եթե Մարուքյանը շարունակի տեղը չբերել, հայտնվելու է Արմեն Աշոտյանի դերում. Նիկոլ Փաշինյան

Հրայր Թովմասյանի արձագանքը՝ Նիկոլ Փաշինյանին. նա 20 օր ժամանակ տվեց վարչապետին

«Ի՞նչ միջոցներ են ձեռնարկվում ՀՀ-ում չինական վիրուսի հնարավոր թափանցումը կանխելու. . .

Խախտումներ Քաղավիացիայի կոմիտեում․ հարուցվել է քրեական գործ

Աշոտ Ղուլյանն արձագանքել է Նիկոլ Փաշինյանի դիտարկումներին

2 օր առաջ ինչ-որ մարդիկ հայհոյախառը բառապաշար օգտագործեցին ԱԺ-ում․ այդ մարդկանցով պետք է. . .

ՍԴ անդամներ, խնդրում ենք՝մի պայքարեք սեփական ժողովրդի, երկրի ապագայի դեմ. Նիկոլ Փաշինյան

Ամուլսարի հարցը չի լուծվելու, քանի դեռ այդ ճանապարհը փակված է․ Նիկոլ Փաշինյան

Երբ իշխանական կերակրատաշտի մոտ էիք, ինչու՞ չէիք փակում սորոսական գրասենյակները, վա՞տ բան էր՝. . .

Զվարճալի տեսանյութ՝ Նիկոլ Փաշինյանի թիկնազորի մասնակցությամբ

Տաթևիկ Ռևազյանի նկատմամբ ամենաստոր լրատվական արշավն է եղել․ Նիկոլ Փաշինյան

Իմ գրպաններում միլիարդներ ու 20-25 լրատվամիջոցներ չկան․ Նիկոլ Փաշինյան

2010-ին Կոշում դիմակավորված անձինք հարձակվել էին ինձ վրա․ այդ փաստի առթիվ էին կանչել ՀՔԾ․ Փաշինյան

Հիմա մեզ մեղադրում են, թե ինչի Կուտոյանին չէիք հետևում, որ ինքնասպանությունը կանխեիք. Նիկոլ Փաշինյան

Արցախի նախագահի թեկնածուները թող ասեն՝ ԼՂ հարցում Սերժ Սարգսյանի ժառանգությունը ընդունելի՞ է, թե՞ ոչ

Վեթինգն օդի մեջ է, օլիգարխները պուպուշ գործարարներ են, սաշիկի 50 տոկոսից ձեն-ձուն չկա. Արամ Մանուկյան

Սա նախագիծ է, պաշտոնական չէ. Արծրուն Հովհաննիսյանը՝ ՊՆ տարբերանշանի փոփոխության մասին

«Կարգին հաղորդում»-ը հիշեցի, որ ասում ա՝ ես ամեն ինչ գիտեմ ու հայտնվում ա հիմար վիճակում. Փաշինյան

Հրայր Թովմասյանն իր ծառայություններն է առաջարկել ինձ. Նիկոլ Փաշինյան

Հայաստանում պետական հեղաշրջման փորձ չի եղել ու չի լինելու․ Նիկոլ Փաշինյան

Նիկոլ Փաշինյանը բացեց Բաղրամյան 26-ի դռները

ՀՀ վարչապետ Նիկոլ Փաշինյանի անակնկալը։ Անկախության 27-ամյակին նվիրված միջոցառման ժամանակ բացվեցին Բաղրամյան 26-ի դռները։ Այսուհետ նստավայրի բակ ելումուտն ազատ է լինելու։

Պաշտոնական միջոցառման ժամանակ վարչապետը հետևյալ ելույթով հանդես եկավ։

Հայաստանի Հանրապետության մեծարգո նախագահ.
Արցախի Հանրապետության մեծարգո նախագահ,
Վեհափառ Տեր,
Ազգային ժողովի մեծարգո նախագահ,
Սիրելի՛ հայրենակիցներ,
Հարգարժա՛ն հյուրեր,

Շնորհավորում եմ բոլորիս Անկախության տոնի կապակցությամբ։

Այսօր մենք նշում ենք Հայաստանի անկախության հռչակման 27-րդ տարեդարձը։ 1991 թվականի այս օրը կայացած հանրաքվեն, որպես ժողովրդի կամքի արտահայտման ուղղակի եւ բարձրագույն ձեւ, հստակ ցույց տվեց այդ հանրաքվեով, թե ինչ է ուզում մեր ժողովուրդը. քաղաքական անկախություն արտաքին աշխարհում և ժողովրդավարություն ներքին կյանքում։

Մեր ժողովրդի բոլոր շերտերը, բոլոր խավերը միահամուռ կերպով ընտրեցին մի ճանապարհ, որ, իհարկե, դժվար էր լինելու, բայց միակ ճշմարիտ եւ միակ պատվաբեր ճանապարհն էր։

Մենք այսօր արժանին ենք մատուցում բոլոր նրանց, ովքեր մոտեցրին այդ բաղձալի օրը, արժանին ենք մատուցում բոլոր նրանց, ովքեր մարտնչեցին այդ թանկ պարգեւը` ազատությունը, անկախությունը պաշտպանելու համար։ Անցած 27 տարիները եղան երբեմն դրամատիկ, երբեմն ողբերգական, երբեմն հերոսական տարիներ, հաճախ պսակվեցին բարդագույն խնդիրների փայլուն լուծումներով։ Այդ ճանապարհին, ցավոք, արձանագրվեցին սխալներ, իսկ երբեմն՝ նույնիսկ հանցագործություններ։ Բայց մի բան մնաց աներեր եւ անկոտրում՝ մեր ժողովրդի կամքը։ Անշեղ մնաց մեր ժողովրդի մղումը դեպի ազատություն, դեպի ժողովրդավարություն, դեպի արժանապատվություն, դեպի անկախություն։ Այս ընթացքում ստեղծվել եւ ամրացել են մեր պետական հաստատությունները։ Դրան մենք հասել ենք իշխանությունների, ընդդիմության եւ մեր ողջ ժողովրդի համատեղ ջանքերով։

 

 

 

 

 

 

 

 

 

Պետականաշինության ասպարեզում մեր ձեռքբերումներն անուրանալի են։ Դրանց ամենավառ վկայությունն այն է, որ նույնիսկ երկրում տեղի ունեցող հեղափոխական իրադարձությունների ընթացքում Հայաստանի պետական մեքենան, նրա կառույցներն աշխատեցին գրեթե անխափան։ Հեղափոխությունները լրջագույն քննություն են ցանկացած պետության համար, եւ մեր պետական կառույցները բռնեցին այդ քննությունը։ Բայցեւայնպես, մեր պետական կառավարման համակարգը լրջագույն բարեփոխումների կարիք ունի, եւ այդ բարեփոխումները պետք է լինեն թե բովանդակային, թե՛ կառուցվածքային, թե՛ կազմակերպչական: Երկրի հետագա զարգացումը անհնար է պատկերացնել առանց արդյունավետ, պրոֆեսիոնալ, մարդակենտրոն կառավարման համակարգ ունենալու:

Սիրելի՛ հայրենակիցներ,

Մեր երկիրը թեւակոխել է պատմական մի նոր ժամանակաշրջան եւ մեր ուսերին է ընկել նախորդ 27 տարիների խնդիրները լուծելու պատասխանատվությունը: 
Դրանցից առանցքայինն այն է, որ կոռուպցիոն սխեմաները միահյուսված պետական կառույցներին, ախտահարել են մեր ողջ պետական համակարգը, ինչն էականորեն խանգարում է թե՛ մեր տնտեսության, թե՛ մեր հասարակության զարգացմանը:

Մեր այսօրվա խնդիրն է արմատախիլ անել բոլոր կոռուպցիոն սխեմաները: Ձեւավորել անկախ եւ օրինական դատական համակարգ, երաշխավորել խոսքի եւ քաղաքական գործունեության ազատությունը, մարդու իրավունքների պաշտպանվածությունը: Մեր խնդիրն է նոր խթան հաղորդել մեր տնտեսությանը, որի հենասյունը պետք է լինի ազատ եւ ստեղծարար քաղաքացին, ով հավատում է ինքն իր ուժերին, հավատում է, որ կարող է փոխել իրականությունը, որ կարող է փոխել աշխարհը, հավատում է, որ թեկուզ սկսելով զրոյից, կարող է իր աշխատանքով, գործարար տաղանդով նոր հայկական բրենդներ ստեղծել, որոնք կնվաճեն աշխարհը, կփոխեն Հայաստանի ճակատագիրը:

Նոր Հայաստանի առանցքային դերակատարներից պետք է լինեն նոր ոճի, նոր սերնդի գործարարները, ովքեր հարստացել են սեփական աշխատանքով ու քրտինքով եւ ովքեր կառավարության հետ համատեղ, համահավասար իրենց պատասխանատու են զգում երկրում նոր տնտեսական համակարգ, տնտեսական նոր հարաբերություններ կառուցելու համար: Եւ մենք ամեն ինչ անելու ենք այս մարդկանց զորակցելու, աջակցելու համար: Նոր ոճի, նոր սերնդի գործարար ասելով, ի դեպ, նկատի ունեմ ոչ միայն այն գործարարներին, ովքեր նոր են ի հայտ գալու, այլեւ բոլոր նրանց, ովքեր մինչեւ այժմ գործել են կամ պատրաստ են գործել օրինականության, տնտեսական ազնիվ մրցակցության, սիրո եւ համերաշխության տրամաբանության ներքո:

Եւ մենք, բոլոր այս մարդկանց հետ մշտական երկխոսության եւ համագործակցության պայմաններում, միասին պիտի էականորեն փոխենք մեր երկրի տնտեսական կառուցվածքը՝ Հայաստանը ագրարային, հանքարդյունաբերող եւ խաղադրույք կատարող երկրից վեր ածելով բարձր տեխնոլոգիական արտադրանք թողարկող, արդյունաբերական, թվային եւ տեխնոլոգիական երկրի:

Սիրելի՛ հայրենակիցներ,

Մեր արտաքին քաղաքական ամենակարեւոր հիմնախնդիրը Արցախի հարցի խաղաղ կարգավորումն է։ Մեր դիրքորոշումը չի փոխվել։ Մենք կողմ ենք խնդրի բացառապես խաղաղ կարգավորմանը եւ անելու ենք մեզանից կախված ամեն ինչ՝ հարցը բանակցային ճանապարհով լուծելու համար։ Ադրբեջանի կողմից հնչող պատերազմական սպառնալիքները չունեն որեւէ հեռանկար. ենթադրել, թե մենք վախենալու ենք այդ սպառնալիքներից եւ բավարարելու ենք Ադրբեջանի առավելապաշտական նկրտումները, սին են։ Այո, մենք կառուցում ենք խաղաղասեր, ժողովրդավար եւ մարդասիրական գաղափարներ դավանող պետություն, բայց դա չի նշանակում, թե մենք չենք պատրաստվում պաշտպանել մեզ, մեր հայրենիքը, մեր ապագան։

Արտաքին քաղաքական ոլորտում մենք աշխատում ենք, որպեսզի մեր բոլոր միջազգային գործընկերների համար հասկանալի լինի Հայաստանում տեղի ունեցող իրադարձությունների իրական բովանդակությունը: Մենք ասել ենք ու ասում ենք, որ Հայաստանի արտաքին քաղաքականության մեջ շրջադարձեր չեն լինելու:

 

 

 

 

 

 

 

Մեր գլխավոր ռազմավարական դաշնակիցը Ռուսաստանի Դաշնությունն է, որի հետ մենք կապված ենք բազում եւ դարավոր կապերով։ Մենք մտադիր ենք էլ ավելի խորացնել մեր համագործակցությունը Ռուսաստանի հետ թե՛ երկկողմ, թե՛ բազմակողմ ձևաչափերում։ Մենք նաեւ զարգացնելու ենք մեր հարաբերությունները Եվրոպական միության, ԱՄՆ-ի հետ, ինչպես նաև մեր անմիջական հարեւանների՝ Վրաստանի եւ Իրանի հետ։

Սիրելի՛ հայրենակիցներ,

Այսօր իսկապես մեծ տոն է Հայաստանում: Մեր երկիրը տոնում է իր անկախության 27-րդ տարեդարձը: Եւ այդ տոնը կրկնապատիկ արժեւորվում է, եթե հաշվի ենք առնում, որ այս օրերին Հայաստանում տիրում են նույնպիսի, եթե չասենք շատ ավելի մեծ ոգեւորություն եւ լավատեսություն, ինչ 1991 թվականին Անկախության հանրաքվեի օրերին: Մաղթում եմ մեզ, որ այս նորահայտ եւ համաժողովրդական ոգեւորությանն ու ուրախությանը չհետեւեն հիասթափություններ եւ հուսահատությունը այլեւս չվերադառնա մեր երկիր: Աստված մեզ բոլորիս ուժ եւ իմաստնություն տա՝ այս խնդիրը լուծելու համար:

Սիրելի ներկաներ, այսօրվա խոսքս ուզում եմ ամփոփել մի խորհրդանշական իրադարձության ազդարարմամբ: Այսօր՝ հենց հիմա, ՀՀ անկախության 27-րդ տարեդարձի առիթով՝ Բաղրամյան 26-ի դռները կբացվեն, ի նշան այն բանի, որ Հայաստանի իշխանությունն այլեւս երբեք մեկուսացած ու կտրված չի լինի ժողովրդից: Հայաստանի քաղաքացիներն այսուհետեւ ազատորեն կարող են մուտք գործել վարչապետի, հետագայում՝ նախագահի նստավայրի տարածք եւ այն օգտագործել, որպես զբոսավայր, որպես ժամանցի վայր: Մենք հույս ունենք, որ այս դռները այլեւս երբեք չեն փակվի՝ խորհրդանշելով, որ Հայաստանի Հանրապետությունում իշխանությունն այլեւս անշրջելիորեն պատկանում է ժողովրդին, պատկանում է Հայաստանի Հանրապետության քաղաքացիներին:

 

 

 

 

 

 

 

 

Եւ ուրեմն, 
Կեցցե՛ անկախությունը,
Կեցցե ՛Հայաստանի Հանրապետությունը,
Կեցցե՛ Արցախի Հանրապետությունը,
Կեցցե՛ն մեր երեխաները, որ ապրում են եւ ապրելու են ազատ եւ երջանիկ Հայաստանում:

Սիրելի հայրենակիցներ,
Եւ վերջում, ուզում եմ իմ առանձնահատուկ շնորհավորանքները հղել սահմանին կանգնած մեր բոլոր զինվորներին, Հայաստանի զինված ուժերի բոլոր սպաներին եւ շարքայիններին, Հայաստանի զինված ուժերի, հայ ժողովրդի բոլոր նահատակներին, և խոնարհվում եմ նրանց առաջ այս տոնական և սրբազան օրը, խոնարհվում եմ նրանց առաջ և արձանագրում, որ մենք գիտակցում ենք նրանց հիշատակի առաջ մեր ունեցած բարձր պատասխանատվությունը:

Փա՛ռք Հայոց բանակին: Փա՛ռք Հայոց զինվորինների: Փա՛ռք Հայոց նահատակներին
Շնորհակալություն

Կարդացեք նաև՝ Ադրբեջանի կողմից հնչող պատերազմական սպառնալիքները չունեն որեւէ հեռանկար. Փաշինյան

Բաղրամյան 26–ի դռներն այսուհետ բաց կլինեն ժողովրդի համար. Նիկոլ Փաշինյան

Պետք է լինեն նոր ոճի գործարարներ. ընդ որում, նկատի ունեմ նաեւ նրանց, որոնք մինչեւ այժմ էլ գործել են. Փաշինյան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Քաղաքականություն ավելին