«Անհանգստանալու ոչինչ չկա, համացանցային օգտատերերը կարող են շարունակել քննարկել, բայց դրանք այնքան լուրջ չեն, որ մենք դրանց անդրադառնանք»-Asekose.am-ի հետ զրույցում ասաց ՀՀ ՊՆ մամուլի խոսնակ` Արծրուն Հովհաննիսյանը` անդրադառնալով Նիկոլ Փաշինյանի որդու` Աշոտ Փաշինյանի` Արցախում ծառայելու որոշմանը:
Այդ որոշման հրապարակումից հետո` համացանցային որոշ օգտատերերի կարծիքով` վարչապետի որդին չպետք է զինծառայություն անցնի հակառակորդի դիվերսանտների համար հասանելի վայրում, ավելին` այդ ձևով վարչապետը կարող է խոցելի դառնալ:
Ըստ Արծրուն Հովհաննիսյանի` անվանտագության հետ կապված խնդիրների առկայության դեպքում իրենք շատ լավ գիտեն լուծման եղանակները:
Հարցին` արդյո՞ք վարչապետը` իր որդու որոշումը հանրայնացնելուց առաջ քննարկել է այն համապատասխան մարմինների հետ, Արծրուն Հովհաննիսյանը չպատասխանեց` նշելով, որ այդքան չի մանրանա:
Հիշեցնենք, որ Նիկոլ Փաշինյանըֆեյսբուքյան ուղիղ միացմամբ կոչով նաև դիմել է արտերկրում գտնվող և «բանակից ազատված» զորակոչիկներին:
«Արտերում բնակվող մեր հայրենակիցներին կոչ եմ անում կրկնակի ակտիվությամբ տարածել այս տեսանյութը»,-հորդորել է Նիկոլ Փաշինյանը։
Հավելենք, որ Ադրբեջանն արձագանքել է ՀՀ վարչապետ Նիկոլ Փաշինյանի հայտարարությանը, ըստ որի՝ իր 18-ամյա որդին սահմանված կարգով մեկնելու է ծառայության։ Ադրբեջանի ԱԳՆ-ն ՀՀ վարչապետի այդ քայլը որակել է «հերթական պոպուլիստական փորձ և միջազգային նորմերի խախտում»։
Հեղինակ` Ա. Գ
Կարդացեք նաև` «Իմ որդին նույնպես պետք է մեկնի բանակ». Նիկոլ Փաշինյանի կոչը արտերկրում գտնվող և «բանակից ազատված» զորակոչիկներին
