ՀՀ վարչապետ Նիկոլ Փաշինյանն ընդունել է ֆրանսիացի այն խորհրդրանականներին, որոնց անունները Ադրբեջանի ԱԳՆ-ն մտադիր է գրանցել «սեւ ցուցակում»։
Հիշեցնենք, որ նրանց Արցախ այցից հետո, Ադրբեջանում Ֆրանսիայի գործերի ժամանակավոր հավատարմատարին կանչել են ԱԳՆ, բողոքի նոտա հայտնել։ Հատկապես նշվում է Ֆրանսիայի խորհրդարանի պատգամավոր Գի Տեսյեի (Guy Teissier) անունը, որն արդեն այդ ցուցակում է։
Արցախ այցելած մյուս պատգամավորների՝ Վալերի Բուայեի, Ժան-Պիեր Կյուբերտաֆոնի, Մոհամադ Լաքհիլի, Դանիել Ղազարյանի, Գիյոմա Գասպարյանի եւ սենատոր Պիեր Ուզուլիասի անունները եւս տեղ կգտնեն նշված ցուցակում։