Հերքվել է Նիսում ահաբեկչությունից ՀՀ երկրորդ քաղաքացու զոհվելու մասին տեղեկությունը. նա ողջ է։ Այս մասին հաղորդում է Հայաստանի ԱԳՆ-ն:
Ավելի վաղ ՀՀ ԱԳՆ-ն տեղեկացրել էր, որ Նիսում ահաբեկչությունից 2 ՀՀ քաղաքացի է զոհվել:
Հիշեցնենք, որ հուլիսի 14-ին Նիսում մարդկանց բազմության մեջ է մխրճվել մի բեռնատար, որից հետո վարորդը սկսել է կրակել մարդկանց վրա: Նա սպանվել է ոստիկանների կողմից: Այս պահին զոհերի թիվն արդեն հասել է 84-ի, վիրավոր է ավելի քան 120 մարդ, 18-ը գտնվում են ծայրահեղ ծանր վիճակում:
