Անվտանգության առումով որոշում է կայացվել բարձրացնել անվտանգության աստիճանը, ԱԺ շենքն էլ ավելի անվտանգ սարքելու միտումներ կան։ Այս մասին Ազգային ժողովում լրագրողների ասել է ԱԺ փոխնախագահ Ալեն Սիմոնյանը։
Հարցին, թե վախենու՞մ են լրագրողներից՝ որոշել են սահմանափակել նրանց տեղաշարժը, ասաց․
«Նմա՞ն եմ մարդու, որը վախենում է լրագրողներից։ Պատճառներն, ընդհանուր առմամբ, անվտանգային են, խոսքը կոնկրետ չի գնում լրագրողների, կոնկրետ անձանց մասին, գործելու են նոր կանոններ, որոնց նպատակն անվտանգությունն է։ Ունեցել ենք բազմաթիվ վատ նախադեպեր մեր պատմության մեջ: Բավականին վերջերս և անցյալում այդ նախադեպերը շատ են: Սկսած հոկտեմբերի 27-ից, ի դեպ, որի կազմակերպիչներից եւ իրագործողներից մեկը լրագրող է եղել», - ասել է Ալեն Սիմոնյանը։
