Էջմիածնի քաղաքապետ Դիանա Գասպարյանը ֆեյսբուքյան ուղիղ եթերով անդրադարձել է բժիշկ Գևորգ Գրիգորյանի հայտարարությանը՝ նշելով, որ այն ապատեղեկատվություն է:
«Հարսանիքում երեք քաղաքացիների կորոնավիրուսով վարակվելու մասին լուրը ծայրից ծայր սուտ է: Կա միայն մեկ վարակակիր: Ես կարծում եմ, որ չի կարելի նման հայտարարություններով խուճապ ստեղծել հանրապետությունում և այսպես ստել»,- ասել է քաղաքապետը:
Խոսելով վարակված քաղաքացու մասին, Դիանա Գասպարյանը նշել է, որ նա տանը չէ, Նորքի ինֆեկցիոն հիվանդանոցում է և այս պահին նրա վիճակը ծանր չէ: Կրթական հաստատությունները փակելու առաջարկությունների մասին էլ ասել է, որ դրա կարիքն առայժմ չկա:
«Մանկապարտեզները փակելու որոշում չենք կայացրել այս պահին: Ասեմ, որ շատ խիստ հիգիենա է պահպանվում, իմ անձնական վերահսկողության ներքո են նախադպրոցական հաստատությունները: Այս պահին միայն քննարկվում է նախնական մեկ շաբաթով սպորտդպրոցը փակելու հարցը: Բոլոր դպրոցներին ու կրթական հաստատություններին տրամադրել ենք անհարժեշտ պարագաները՝ մաքրությունը և սանիտարահիգիենիկ նորմերը պահպանելու համար»:
Խոսելով քարոզարշավի մասին՝ Դ. Գասպարյանն ասել է, որ հաշվի առնելով Էջմիածնում մեկ վարակակրի փաստը, Զվարթնոց թաղամասում իր մասնակցությամբ կայանալիք քարոզարշավը չեղարկվել է:
Կարդացեք նաև՝ Էջմիածնում 3 անձի մոտ կորոնավիրուս է հայտնաբերվել. նրանք հարսանիքի են եղել. Գևորգ Գրիգորյան
Էջմիածնի Մաշտոցի փողոցը շրջափակվել է. նշանադրության մասնակիցներին մեկուսացրել են
Դիտեք նաև՝
