Վերջերս Ռուսական շուկայում լայն տարածում է ստացել lil SOLID ծխախոտի տաքացման սարքը։
Սիգարետի այլընտրանքային արտադրատեսակների օգտագործման գաղափարը աստիճանաբար լայն տարածում է ստանում ամբողջ աշխարհում։ Նորանոր երկրներ իրենց հակածխախոտային քաղաքականության մեջ սկսում են ընդգրկել այս նորարարական սարքերը՝ օգնելու այն չափահաս ծխողներին, որոնք չեն կարողանում կամ չեն ցանկանում թողնել ծխելը։
Այլընտրանքային արտադրատեսակների ամենամեծ առավելությունն այն է, որ դրանց օգտագործման ընթացքում տեղի չի ունենում այրում, ինչն առողջությանը հասցվող վնասը նվազեցնում է 90-95%-ով։
Վերջերս այս արտադրատեսակների շարքում է հայտնվել lil SOLID ծխախոտի տաքացման համակարգը։ Վերջինս հարավկորեական KT&G ընկերության կողմից արտադրվող սարք է, որը փաստացի ներկայացվում է IQOS բրենդի ներքո՝ 2020թ․ հունվարին «Ֆիլիպ Մորրիս Ինթերնեյշնլ» և KT&G ընկերությունների միջև ստորագրված համաձայնագրի արդյունքում։
lil SOLID սարքը ծխախոտի տաքացման համակարգ է, որն աշխատում է IQOS սարքի սկզբունքով։ Այն ունի տաքացման մեխանիզմ, որը ներթափանցում է ծխախոտային գլանակի մեջ և այն տաքացնում է ներսից։ Ի տարբերություն IQOS-ի՝ lil SOLID-ի սայրն ավելի կոր է և պատրաստված է մետաղից։ Պլաստմասսե պատյանն ունի սոֆթ-թաչ ծածկույթ, ինչն այն ավելի հարմարավետ է դարձնում օգտագործման համար։ Սարքի վերևի մասում գտնվում է մետաղական ներդիրն ու կոր խցանը, որն անհրաժեշտ է հանել՝ գլանակը տեղադրելու համար։ Սարքի հետ միասին շուկայում են հայտնվել նաև համապատասխան՝ Fiit գլանակները, որոնք ներկայացվում են միևնույն արտադրողի կողմից։
Մեկ սեանսն ապահովում է 14 ներքաշում, մարտկոցի ամբողջական լիցքավորման դեպքում հնարավոր է իրար հետևից սարքն օգտագործել 20 անգամ։
Պետք է հիշել, որ նիկոտինն առաջացնում է կախվածություն և ռիսկերը չեն բացառվում։
