Հեռուստալրագրող Նվեր Մնացականյանը վերադարձել է Հանրային հեռուստաընկերություն: Մնացականյանը նոր նախագիծ է սկսում՝ «Հանրային ռեպորտաժ»:
«Հրապարակ»-ն է գրում ու նշում․ «Եթե հաշվի առնենք, թե ինչպիսի վերաբերմունք է տածում Մնացականյանն օրվա իշխանությունների նկատմամբ, ապա կհասկանանք, որ վերջինիս Հ1 գնալը բոլորովին էլ պատահական չէ:
Հանրայինը եղել է և մնում է բոլոր ժամանակների իշխանական ամենաակտիվ քարոզչամեքենան: Եվ որքան էլ Պետրոս Ղազարյանը պնդի, թե Փաշինյանը Հանրայինում որևէ լծակ չունի և ոչ մի որոշում չի կայացնում, միևնույն է՝ ակնհայտ է, որ մեր հարկերի հաշվին ապրող հեռուստաընկերությունը ծառայում է օրվա իշխանությանը:
Հիշեցնենք, որ դեռ 2016 թվականին հեռուստալրագրող Նվեր Մնացականյանը հեռացվել էր հանրայինից: Նա նշել էր, որ իր հեռացման պատճառը Հ1-ում նոր դեմքերի ի հայտ գալն է»:
