Ադրբեջանցիները գողացել են Արցախից տեղահանված, Տեղ համայնքում ժամանակավոր բնակություն հաստատած արցախցու «ՈւԱԶ» մակնիշի մեքենան:
Այս մասին ԼՈՒՐԵՐ.com-ի հետ զրույցում ասել է Տեղի համայնքապետ Ներսես Շադունցը։
«Դեպքը տեղի է ունեցել 3 օր առաջ, բնակիչը դաշտամիջյան ճանապարհով է գնալիս եղել, միջանցքի հատվածում մի քանի մետր հատել է ճանապարհը և հենց այդտեղ էլ վառելիքը վերջացել է»,- պատմել է համայնքապետը:
Վերջինս նշել է, որ արցախցին մեքենան թողել է և վերադարձել գյուղ՝ վառելիք վերցնելու, սակայն մեքենան այլևս տեղում չի եղել. «Մինչև վառելիքը ձեռքին հետ է եկել, տեսել է, որ ադրբեջանցիները իր մեքենան կապել են կամազի հետևից և քաշելով տանում են»:
Առավել մանրամասն՝ սկզբնաղբյուր կայքում
