Վարչապետի աշխատակազմի ղեկավար Էդուարդ Աղաջանյանը իր ֆեյսբուքյան էջում գրում է.
«Ձեզ եմ ներկայացնում Վարչապետի Աշխատակազմի ղեկավարի նորանշանակ տեղակալ՝ Սարգիս Խանդանյանին:
Սարգիսը հասարակության լայն շերտերում հայտնի է, որպես «Ժողովուրդ», շնորհիվ «Ժողովրդի Ձայնը» հեղինակային հաղորդման:
Սարգիս Խանդանյանը կրթություն է ստացել աշխարհի լավագույն համալսարաններից մեկում՝ Լոնդոնի համալսարանական քոլեջում (UCL): Մասնագիտությամբ քաղաքագետ է և մարդաբան։ Երկար տարիներ (2011-2015թթ) աշխատել է որպես լրագրող ՍիվիլՆեթում, իսկ 2015-2018թթ. աշխատել է հանրային կապերի և հաղորդակցության ոլորտում՝ ՀԲԸՄ-ում և «Ավրորա» մարդասիրական նախաձեռնությունում։
Երբ ժողովուրդը իշխանություն է»:
