▲ Դեպի վեր

lang.iso lang.iso lang.iso

Պապիկյանը կոռուպցիոն ռիսկ չի տեսնում, որ Ալեն Սիմոնյանի եղբոր ընկերությունն ասֆալտապատման աշխատանքների մրցույթ է շահել

Փոխվարչապետ Սուրեն Պապիկյանը կոռուպցիոն ռիսկ չի տեսնում նրանում, որ ԱԺ նախագահ Ալեն Սիմոնյանի կրտսեր եղբոր ղեկավարած ընկերությունը շահել է Ապարան համայնքի ներհամայնքային ճանապարհներն ասֆալտապատելու մրցույթը:

Այս մասին, ի պատասխան ֆեյսբուքյան օգտատերերից մեկի տված հարցին, Պապիկյանը «Ազատություն» ռադիոկայանի եթերում է հայտարարել:

«Ամենևին կոռուպցիոն ռիսկ չեմ տեսնում, այստեղ բանալի բառերը «մրցույթ» և «հաղթել» բառերն են, դրանով ամեն ինչ ասված է: Խնդրում եմ հարցը բարձրացնողին ուսումնասիրել, թե քանի մրցույթի է մասնակցել ու քանիսում է հաղթել նշված անձը» - ասել է Պապիկյանը։

Հարցին՝ իսկ իրենք ինչո՞ւ էին քննադատում նախկին իշխանություններին՝ ասելով, որ նրանց հետ փոխկապակցված անձինք են շահում մրցույթներում, Պապիկյանն ասել է, որ քննադատելու համար հիմքեր են ունեցել:

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին