«Պարոն Փաշինյան, շատ ճիշտ եք Սթիվեն Հոքքինգի մասին ասում, ով չէր էլ կարողանում խոսել, բայց նրան ապահովեցին անհրաժեշտ պայմաններով՝ իր մտքերն արտահայտող համակարգիչով ու ինքը համաշխարհային գիտության մեջ հեղափոխություն արեց, այսինքն հաշմանդամությունը երբե՛ք անկարողություն չի նշանակում, եթե մարդն ապահովվում է այն անհրաժեշտ պայմանով, որի առկայությամբ ինքը լիարժեք դրսևորում է իր կարողությունները»,-գրել է Հանրային խորհրդի անդամ Անահիտ Բախշյանը ֆեյսբուքյան իր էջում։
Հիշեցնենք,որ վարչապետ Նիկոլ Փաշինյանն, ուրբաթ, ֆեյսբուքյան ասուլիսի ժամանակ, պատասխանելով օգտատերերից մեկի հարցին, խոսել է հաշմանդամություն ունեցող անձանց խնդիրների լուծման վերաբերյալ Կառավարության դիրքորոշման, որդեգրած ներառական քաղաքականության և այդ ուղղությամբ քայլեր ձեռնարկելու պատրաստակամության մասին:
