Արդեն տեղեկացրել ենք, որ լրագրող և հեռուստահաղորդավարուհի Քսենյա Սոբչակը հայտարարել է ՌԴ նախագահի ընտրություններին մասնակցելու մասին։ Մամուլի ասուլիսի ժամանակ Սոբչակը հայտարարել է, որ չի համաձայնեցրել իր թեկնածությունը ՌԴ նախագահ Վլադիմիր Պուտինի հետ.
«Ես սկզբունքորեն չէի ցանկանում քննարկել ինչ-որ մեղադրանքներ կամ շահարկումներ, դա ստորացուցիչ եմ համարում, որևէ բան բացատրելու կամ արդարանալու իմաստ րեմ տեսնում»
Նշենք, որ ավելի վաղ ռուսական ԶԼՄ-ները հայտնել էին, թե Սոբչակն իր հոր մասին ֆիլմի առիթով Պուտինի հետ հանդիպման ժամանակ քննարկել է նաև իր թեկնածության հարցը:
Սոբչակը դիմել է դահլիճում ներկա գտնվող լրագրողներին և հարցրել` արդյո՞ք նրանք դա ապացուցող փաստեր ունեն:
«Ո՞չ, ուրեմն հաջողություն, այս թեմայի մասին այլևս խոսելու բան չկա»
Նրա խոսքով` Պուտինի հետ հանդիպումը կապված է շատ կարևոր մի գործի հետ, որի թեման առանձին մամուլի ասուլիսի ժամանակ քննարկվելիք հարց է:
«Եկեք չխառնենք 2 տարբեր թեմաներ: Ես Պուտինից թույլտվություն չեմ հարցրել, ինձ դա պետք չէ, ես ինքնուրույն մարդ եմ»,- ասել է Սոբչակը:
