Ռուսաստանի Դաշնության նախագահ Վլադիմիր Պուտինն ու Բելառուսի նախագահ Ալեքսանդր Լուկաշենկոն Աստանայում քննարկել են Հայաստանի հարցը։
«Կարծիքների կարճատև փոխանակում է տեղի ունեցել Հայաստանի վերաբերյալ, բայց բովանդակային քննարկում չի եղել»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Հիշեցնենք՝ Աստանայում այսօր մեկնարկում է ԵԱՏՄ գագաթնաժողովը։ Գագաթնաժողովի ընթացքում քննարկվելու է կազմակերպությունում Հայաստանի կարգավիճակի հարցը։
***
|
Հայաստանից լոլիկի ներկրումը սահմանափակելու ՌԴ-ի որոշմանը Երևանից արձագանք դեռևս չի ստացվել, հայտարարել է ՌԴ նախագահի մամուլի քարտուղար Դմիտրի Պեսկովը: Հիշեցնենք՝ ավելի վաղ Ռոսսելխոզնադզորը հայտարարել էր, որ մայիսի 30-ից ժամանակավոր սահմանափակումներ է մտցնում Հայաստանից արտահանվող թարմ լոլիկի, վարունգի, պղպեղի, կանաչեղենի և ելակի ներմուծման նկատմամբ՝ մինչև արտահանվող արտադրանքի անվտանգության ապահովման համապատասխան մեխանիզմի մշակումը։ *** Ռուսաստանի նախագահ Վլադիմիր Պուտինի և Հայաստանի փոխվարչապետ Մհեր Գրիգորյանի միջև Աստանայում առանձին հանդիպում նախատեսված չէ, բայց նրանք կարող են բանակցել, եթե անհրաժեշտ համարեն, հայտարարել է Ռուսաստանի նախագահի մամուլի քարտուղար Դմիտրի Պեսկովը։ Նշենք, որ այսօր Աստանայում կայանալու է ԵԱՏՄ բարձրագույն խորհրդի նիստը։ |
