Լրագրող Նաիրի Հոխիկյանի ֆեյսբուքյան գրառումը.
«Երևանի քաղաքապետարանում քննարկում են ՔՊ-ի մի շարք պաշտոնյաների նախաձեռնությունը, որի համաձայն, Երևանի քաղաքային տրանսպորտի՝ ավտոբուսների ուղեվարձը թանկանալու է և 100 դրանից կդառնա 150 դրամ։
ՀՀ իշխանությունները շարունակում են հարստանալ»:
|
Թարմացված․ Երևանի քաղաքապետի մամուլի քարտուղար Հայկ Կոստանյանը ֆեյսբուքյան էջում հայտնում է. «Հարգելի գործընկերներ, մամուլում և սոցցանցերում այսօր տարածված տեղեկատվության վերաբերյալ, համաձայն որի առաջիկայում նախատեսվում է հասարակական տրանսպորտի ուղեվարձի թանկացում, ցանկանում եմ տեղեկացնել, որ ներկայումս նման քննարկում, նախաձեռնություն, առավել ևս՝ որոշում, Երևանի քաղաքապետարանը չի դիտարկում: Միաժամանակ տեղեկացնեմ, որ հետագայում, միասնական տոմսային համակարգի ամբողջական ներդրման, տրանսպորտային ցանցի բարելավման և տեխնիկական հագեցվածության ամբողջական ապահովման պարագայում կդիտարկվեն ինչպես ուղեվարձի գնային քաղաքականությունը, այնպես էլ ուղեվարձի փաթեթային (պայմանական՝ օրական, շաբաթական, ամսական և այլն) տարբերակները և սոցիալական տարբեր շերտերին առնչվող հարցեր: Ցանկացած նման նախաձեռնության վերաբերյալ (քննարկումներ, հանրային լսումներ և այլն) Երևանի քաղաքապետարանի կողմից կապահովվի պաշտոնական իրազեկում»: |
