Վենետիկի 74-րդ միջազգային կինոփառատոնի մրցութային ծրագրում ընդգրկված է Ֆրանսահայ հայտնի կինոռեժիսոր և դերասան Ռոբեր Գեդիգյանի «La Villa» (անգլ. «The House by the Sea») ֆիլմը:Այս մասին տեղեկանում ենք telegraph.co.uk-ից, որտեղ ներկայացված է փառատոնի մրցութային ծրագիր անցած 21 ֆիլմերը: Հիմնական մրցութային ծրագրում են ընդգրվել ամերիկացի ռեժիսոր, սցենարիստ և կինոպրոդյուսեր Դարրեն Արոնոֆսկի «Մայրիկ», ամերիկյան դերասան, պրոդյուսեր, ռեժիսոր Ջորջ Քլունիի «Suburbicon» ֆիլմերը, հայտնում է Panorama.am-ը:
Նշենք, որ փառատոնը բացվելու է օգոստոսի 30-ին Ալեքսանդր Փեյնի ֆիլմով: Կինոփառատոնը կշարունակվի մինչև սեպտեմբերի 9-ը:
