Տիգրան Մեծ փողոցի կանաչապատ տարածքը, այնտեղ գտնվող ջրամբարը վերածվում է բազմաֆունկցիոնալ համալիրի։ ԱԺ նախկին պատգամավոր Սամվել Ալեքսանյանի քրոջ՝ Սուսաննա Պետրոսյանի «Պար Սամ եղբայրներ» ընկերությունն այգու տարածքում կառուցում է «Կայզեր» բազմաֆունկցիոնալ համալիր։
Հետք․am-ն է գրում ու նշում, որ «Պար Սամ եղբայրներ» ընկերությունը հիմնադրվել է 2017 թվականի հունիսին, միակ սեփականատերը Սուսաննա Պետրոսյանն է։ Ընկերության կապիտալը մոտ 3 միլիարդ դրամ է։ Ի դեպ, Պետրոսյանը ՀՀԿ-ից Երևանի ավագանու նախկին անդամ Արթուր Պետրոսյանի մայրն է։
Մոտ 2 ամիս է՝ տարածքում լայնածավալ շինարարական աշխատանքներ են ընթանում։ Նախկին ջրային տարածքը մի քանի տարի է` մետաղաթիթեղյա ցանկապատով առանձնացված էր։
Արխիվային լուսանկարներից երևում է, որ տարածքում նախկինում եղել է ջրավազան, կանաչապատ տարածք՝ նստարաններով։ Տարածքով հոսում է Հրազդան գետի առվակներից մեկը։
Մանրամասները՝ սկզբնաղբյուր կայքում
