A1plus.am-ը գրում է. «Սասնա ծռերի» անդամ Աշոտ Պետրոսյանի վիրահատությունը հաջող է ընթացել։ Մեզ հետ զրույցում Պետրոսյանի փաստաբան Արայիկ Պապիկյանն ասաց, որ վիրահատությունը կատարվել է երեկ, իսկ այսօր արդեն իր պաշտպանյալը լավ է զգում։
Աշոտ Պետրոսյանը աջ ազդրի հրազենային վնասվածք էր ստացել եւ ոսկորի կոտրվածք ուներ։ «Վիրահատության ընթացքում ոտքը մետաղական կոնստրուկցիաներով հավաքել են, եւ մենք հույս ունենք, որ այս վիրահատության արդյունքում Պետրոսյանը կկարողանա քայլել»,-ասաց Պապիկյանը։
Նյութը`սկզբնաղբյուր կայքում
