«Սիրո և երիտասարդների օրհնության օրը՝ Սուրբ Սարգիսը, այս տարի կնշվի փետրվարի 11-ին: Այն բաղկացած է հոգևոր և ժողովրդական մասերից: Վերջինն ավելի շատ տոնախմբության նման է»,-այս մասին լրագրողների հետ հանդիպման ժամանակ տեղեկացրեց Արարատյան Հայրապետական թեմի Առաջնորդանիստ Սուրբ Սարգիս եկեղեցու հոգևոր հովիվ Տեր Պետրոս ավագ քահանա Մալյանը՝ հավելելով.
«Արդեն 2-րդ տարին է, որ զինվորներին ենք պարգևատրում: Այս տարի ՊՆ-ն ընտրել է առաջնագծում ծառայող 20 զինվորների, որոնք աչքի են ընկել սխրանքներով, պարտաճանաչությամբ»:
Ինչ վերաբերում է գիշերը աղի բլիթ ուտելուն, քահանան նկատեց.
«Մենք ազգային եկեղեցի ենք և երբեք չենք մերժել ազգային սովորույթներն ու ծեսերը, սակայն դեմ ենք սնոտիապաշտությանը: Եթե սկսենք մերժել՝ կկտրվենք մեր արմատներից»:
Նշենք, որ այս տարի Արարատյան Հայրապետական թեմը համագործակցում է նաև Մշակույթի նախարարության հետ: Ծրագիրը՝ այստեղ:
Անի Կարապետյան
