▲ Դեպի վեր

lang.iso lang.iso lang.iso

Սկսելու ենք Համահայկական հիմնադրամի գումարների հնարավոր վատնման հարցով քննիչ հանձնաժողով ստեղծելու գործընթաց

ՀՀ ԱԺ «Պատիվ ունեմ» խմբակցությունը նախաձեռնելու է «Հայաստան» համահայկական հիմնադրամին հանգանակված գումարների հնարավոր վատնման ու հարակից այլ հարցերի քննիչ հանձնաժողով ստեղծելու գործընթաց:

Այս մասին ֆեյսբուքյան իր էջում հայտնել է խմբակցության քարտուղար Հայկ Մամիջանյանը:

«Պատերազմի օրերին ամբողջ աշխարհից և Հայաստանից մարդիկ իրենց խնայողություններից, իսկ շատերը նույնիսկ օրվա հացի փողից գումար էին փոխանցում «Հայաստան» համահայկական հիմնադրամին: Հետագայում այդ փողի մի մասը անհասկանալի կերպով փոխանցվեց պետական բյուջե, իսկ թե ինչի վրա ծախսվեցին այդ գումարները՝ անհայտ մնաց:

ՀՀ ԱԺ «Պատիվ ունեմ» խմբակցությունը նախաձեռնելու է 44-օրյա պատերազմի ընթացքում և դրանից հետո ողջ հայ ժողովրդի կողմից «Հայաստան» համահայկական հիմնադրամին հանգանակված գումարների հնարավոր վատնման, ծախսման արդյունավետության և հիմնադրամի գործունեությանը առնչվող այլ հարցերի վերաբերյալ խորհրդարանական քննիչ հանձնաժողով»,- գրել է Մամիջանյանը:

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին