▲ Դեպի վեր

lang.iso lang.iso lang.iso

«Շուտով այս մղձավանջը, որի մեջ հայտվեցինք 2018թ-ից, կավարտվի՝ թողնելով աղետալի հետեւանքներ...»․ Արտյոմ Մարկոսյան

Դերասան, հումորիստ, հաղորդավար Արտյոմ Մարկոսյանը ֆեյսբուքյան իր էջում գրառում է կատարել՝ անդրադառնալով ներքաղաքական իրավիճակին, ճամբարափոխ, քծնող մարդկանց, միջակություններին։

«Հայաստանի անկախացումից հետո՝ մեր բոլոր իշխանությունների օրոք գոյություն ունեցող ամենազզվելի երեւույթներից են եղել ճամբարափոխ, քծնող, հետույքից հետույք թռնող, արժանապատվություն չունեցող, լպրծուն ոչնչությունները կամ, իբր, քաղաքական հայացքներում նեյտրալ. «իմ համար լրիվ մեկ ա, թե ով կլինի..» կատեգորիային պատկանող միջակությունները։ Եվ վատը, միաժամանակ ցավալի փաստն, այն է, որ մեր, գրեթե բոլոր, իշխանությունները հանդուրժել, ասեմ ավելին՝ նույնիսկ, շատ դեպքերում, հենց իրենք են աճեցրել, բուծել նշածս երևութներից շատերին։ Արդյունքում ի՞նչ եղավ...Ինձ թվում է՝ չեն մոռացել...

Այս 2-3 տարին էլ, իրե՛նց հերթին, բացառություն չեղան։ Իսկ վերջին 3-4 ամիսը կարելի է բնութագրել մի ընհանրապես նոր տերմինով. «Քծնառևերս»...

Դիմում եմ նրանց՝ այդ երեւույթներին.

Չգիտեմ, ով ոնց՝ կմոռանա, թե՝ ոչ, բայց ես շատերիդ գիտեմ ու հիշում եմ...լավ եմ հիշում...

Անձամբ ես, որքան ուժ ու հնարավորություն ունեմ, թույլ չեմ տալու, որ, հանկարծ, մոռանաք, թե ո՛վ եք էղել դու՛ք՝ ձեր ապրած կյանքով ու տեսակով...

Հ.Գ.

Շուտով այս մղձավանջը, որի մեջ հայտվեցինք 2018թ-ից, կավարտվի՝ թողնելով, սակայն, աղետալի հետեւանքներ... Եթե մենք ցանկանում ենք նոր, ավելի ճիշտ՝ նորից, Պետություն կառուցել՝ ամուր Պետություն ճիշտ արժեհամակարգով, չափազանց կարևոր է, նաև, որ նոր իշխանությունների և կառավարիչների կողմից պետք է մարդկանց վերոնշյալ տեսակներին, այլևս, տեղ ու առաջնություն չտրվի, նրանք, ոչ մի պարագայում, չպետք է դիտարկվեն որպես "ծառայելու պատրաստ" հենարան, նրանք (այդ երևույթը) պետք է ի սպառ վերանան՝ մշակույթից, հեռուստատեսությունից, շոուբիզնեսից մինչև...մի խոսքով՝ յուրաքանչյուր բնագավառից...

Առայժմ այսքանը...», - գրել է նա։

Դիտեք նաև՝ 

Կայքում տեղ գտած մտքերն ու սկզբնաղբյուրներից վերահրապարակված նյութերը կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին