Սպիտակ տանը մեկնաբանել են երեկ ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի հետ ԱՄՆ փոխնախագահ Ջո Բայդենի հեռախոսազրույցները՝ մասնավորապես նշելով.
«Փոխնախագահը ողջունել է Վիեննայում մայիսի 16-ին ԵԱՀԿ Մինսկի խմբի համանախագահող երկրների հովանու ներքո Հայաստանի և Ադրբեջանի միջև քննարկումների ընթացքում ձեռք բերված համաձայնագրերը, և առաջնորդները համաձայնության են հասել, որ կարևոր է իրականացնել ԵԱՀԿ գործող առաքելությունն ընդլայնելու խոստումն ու ավարտին հասցնել ԵԱՀԿ հետաքննությունների մեխանիզմը»:
