Հայ ազգային ինքնության պահպանումը, սերունդներին հայեցի կրթելու դաստիարակելու, պատմական ակունքներին հաղորդակից լինելու ձգտումը մշտապես եղել մնում են մեր ժողովրդի ազգային հոգեկերտվածքի կարևորագույն բաղկացուցիչը: Դարեր շարունակ օտար տիրապետողների լծի տակ գտնվելը, ազգային ինքնության կորստի մշտական սպառնալիքը, ձուլման վտանգը հայոց գիտակցության մեջ առանձնահատուկ մոտեցում վերաբերմունք են առաջ բերել հայապահպան կարևորագույն ինստիտուտի` Հայ ազգային դպրոցի հանդեպ:
Այսօր էլ Սփյուռքում հայապահպանության գործում մեծ է հայկական դպրոցների դերը: Այս առումով հարկ է առանձնացնել Ստամբուլի Պեզճյան Մայր վարժարանը: Նշենք, որ վարժարանի տնօրեն է նշանակվել Թալին Նայիրը: Հայտնի է, որ վերջին տարիներին այդ պաշտոնը զբաղեցնում էր Եղիսաբեթ Չաթանասլյանը: Սուրբ Աստվածածին Աթոռանիստ Մայր եկեղեցու թաղային խորհուրդն ու Պեզճյան Մայր վարժարանի հիմնադիր ներկայացուցիչը որոշեցին տնօրեն նշանակել Թալինին, ով 25 տարի տարբեր պաշտոններ է զբաղեցրել համայքնի տարբեր վարժարաններում: Թալին Նայիրը բարձրագույն կրթություն է ստացել «Մարմարա» համալսարանում, ապա կրթությունը շարունակել է Ստամբուլի «Թիճարեթ» և Երևանի պետական համալսարաններում: Թալին Նայիրը զանազան վարժարաններում է պաշտոնավարել: Աշխատել է նաև Ուլուսի ՄԷՖ վարժարանում որպես ուսուցչուհի: Թալին Նայիրը ծավալել է նաև մշակութային գործունեություն, եղել է նաև պարուսույց:
Նշենք, որ Թուրքիայի խոշորագույն քաղաքում՝ Ստամբուլում, այսօր գործում է հայկական 5 ավագ դպրոց և 14 նախակրթարան:
