▲ Դեպի վեր

lang.iso lang.iso lang.iso

Տարօրինակ է, որ դպրոցների կողմից իրականացվող պատվո պահակի միջոցառումները կարող են քննադատվել

Շատ տարօրինակ է, որ Ծիծեռնակաբերդում դպրոցների կողմից իրակացվող պատվո պահակի միջոցառումները ՖԲ օգտատերերի մի հատվածի կողմից ենթարկվեցին քննադատության:

Պատվո պահակի գաղափարը լայնորեն կիրառվում է աշխարհի շատ երկրներում (ԱՄՆ, Մեծ Բրիտանիա, Ֆրանսիա և այլ) և զոհերի հիշատակը հարգելու յուրօրինակ ձև է: Երեկ հանդիպեցի բազմաթիվ գրառումների, որտեղ մեր ավագ սերնդի ներկայացուցիչները հպարտորեն հիշում էին, թե ինչպես 60-70 ական թվականներին իրենք ևս պատվո պահակ են կանգնել Ծիծեռնակաբերդում:

Իրականում ինձ համար շատ դժվար է բառեր կգտնել, որպեսզի նկարագրեմ, թե ինչի համար չարժի քննադատել այս նախաձեռնությունը և ավելին՝ պետք է հանդես գալ նման այլ նախաձեռնություններով: Ասեմ ավելին՝ մենք պետք է նույնիսկ մեղադրենք ԿԳՆ ին այն բանի համար, որ նման նախաձեռնություն չի եղել ավելի վաղ: 

Խնդրում եմ, եկեք զերծ մնանք ու չքաղաքականացնենք ամեն ինչ ինչ պատահում է մեր ճանապարհին, չփնտրենք ամեն ինչում վատը, անկախ մեր հայացքներից ու տարբեր մարդկանց հանդեպ ունեցած մեր սուբյեկտիվ վերաբերմունքից: Զարմանալի է, որ հայոց զեհերի հիշատակը հավերժացնող հուշակոթողի մոտ հարգանքի տուրք մատուցելը կարող է ծաղրի կամ քննադատության առիթ տալ ջարդերից մազապուրծ եղած սերունդների զավակների, շատ տարօրինակ է ժող ջան, մենք մեր նախնիների հիշատակը հարգելու դեմ չպետք է ոչինչ ունենք, ամոթ է:

Զոհրապ Եգանյան

Հիշեցնենք, որ Երեւանի հիմնական եւ ավագ դպրոցների աշակերտներն ապրիլի 1-ից մինչեւ ապրիլի 24-ը Հայոց ցեղասպանության 100-րդ տարելիցի միջոցառումների շրջանակում հերթափոխով պատվո պահակ կկանգնեն Ծիծեռնակաբերդի հուշահամալիրի անմար կրակի մոտ: Նախաձեռնության հեղինակը Կրթության եւ գիտության նախարար Արմեն Աշոտյանն է

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին