Տավուշի մարզում թթենին դարձյալ բերք է տվել։ Այս մասին ֆեյսբուքյան էջում գրել է Տավուշի մարզի սահմանամերձ Չինարի համայնքի ղեկավար Սամվել Սաղոյանը։
Սահմանամերձ Չինարի համայնքի ղեկավար Սամվել Սաղոյանն ապացույցներ է հրապարակել թերահավատների համար։
«Ոմանք չէին հավատում, որ թթենին 2–րդ բերքն է տվել։ Համոզվեք, այսօր եմ նկարվել»,– գրում է գյուղապետը` հրապարակելով բերքառատ թթենու լուսանկարը։
Նշենք, որ մինչ այդ` նոյեմբերի 28-ին Սամվել Սաղոյանն արդեն հայտնել էր Տավուշում թթենու` ուշ աշնանային բերքի մասին։
