news.am-ը գրում է, որ Թբիլիսիի ավերիչ ջրհեղեղի հետեւանքով զոհվածների մեջ երեք հայ կա: Այս մասին կայքի թղթակցին հայտնեցին Վրաստանում Հայաստանի դեսպանատնից:
Մեզ փոխանցեցին, որ զոհվածները երեք քույրեր են՝ Լիանա, ժանա եւ Սվետլանա Եղիազարովաները, նրանք ազգությամբ հայ են, բայց Վրաստանի քաղաքացի: Նրանցից մեկը 65 տարեկան է, մեկը՝ 67, մյուսը՝ 48:
Ինչ վերաբերում է անհետ կորածների մեջ հայերի լինելուն, մեզ փոխանցեցին, որ անհետ կորածների ցուղակը դեռ չկա:
Նշենք, որ հեղեղումը Թբիլիսիում եղել է կիրակի գիշերը, աննախադեպ տեղատարափից հետո։ Վերջին տվյալներով զոհվել է 13 մարդ, 16 անհետ կորած, ավելի քան 30 հոգի վիրավորվել:  Տարերքը վնասել է մայրաքաղաքի ճանապարհներն ու ենթակառուցվածքները։ Հեղեղվել էր նաեւ գազանանոցը, ինչի հետեւանքով տասնյակ կենդանիներ հայտնվել էին ազատության մեջ։ Թբիլիսիի կենդանաբանական այգու 600 կենդանիներից 300-ն է ողջ մնացել: Մնացածը կամ սատկել են տեղում՝ ջրհեղեղի ժամանակ, կամ փախուստի են դիմել վանդակներից եւ նրանց վնասազերծել են հատուկջոկատայինները:

Մանրամասները՝ սկզբնաղբյուրում: