«Ծեծ չի եղել իմ նկատմամբ, ուղղակի ոստիկանն իրեն ոչ կոռեկտ պահեց, բռունցքներ էր ցույց տալիս, երևի մեկը տեսել, մտածել է՝ խփում է: Կոշտ ձևով տարան դեպի մեքենան, իսկ, թե ինչի համար՝ ինչպես միշտ չգիտեմ: Ասացին՝ բերման են ենթարկել ոստիկանի օրինական պահանջը չկատարելու համար, թե ինչ պահանջ՝ չգիտեմ»,- Բերձորի դեպքերի առնչությամբ հրավիրված բաց մամուլի ասուլիսի ժամանակ ասաց «Հիմնադիր խորհրդարանի»-ի անդամ, ակտիվիստ Գևորգ Սաֆարյանը:
Հիշեցնենք, որ Երեւանի Հակոբ Պարոնյանի անվան կոմեդիայի պետական թատրոնի առջև վիճաբանություն է տեղի ունեցել «Հիմնադիր խորհրդարանի» անդամների և ոստիկանների միջև, մեքենաներ են տարվել տուգանային հրապարակ, իսկ Հայկ Գրիգորյանին ու Գևորգ Սաֆարյանին բերման էին ենթարկել:
