Այսօր փոխոստիկանապետ Արա Ֆիդանյանը լրագրողների հետ ճեպազրույցում անդրադարձել է արգելված գրառումների դեպքում իրավապահ մարմինների կողմից իրականացվող աշխատանքներին.
«Այն կոչերի, ուղերձների, հղումների դեպքում, որոնք պարունակում են Վարչական իրավախախտումների վերաբերյալ օրենսգրքով նախատեսված հանգամանքներ, անմիջապես ձեռնարկվում են համապատասխան միջոցառումներ։ Ինչ վերաբերում է իշխանափոխության վերաբերյալ կոչերին, ապա այդ ուղղությամբ նույնպես աշխատանքներ տարվում են, սակայն հիմնականում քրեորեն համապատասխան հոդվածներով գործունեություն իրակացանում են իրավապահ այլ մարմիններ, դիցուք, դատախազությունը և ԱԱԾ-ն։
Իսկ հարցին` Վազգեն Մանուկյանի աղմկահարույց հայտարարությունից հետո ոստիկանությունը կապ հաստատե՞լ է նրա հետ, թե՞ ոչ, փոխոստիկանապետն ասել է․
«Վազգեն Մանուկյանի և կոնկրետ անձանց վերաբերյալ տեղեկատվություն չեմ կարող տրամադրել, սակայն երբ մեր մոնիթորինգի արդյունքում առկա է լինում Վարչական իրավախախտումների վերաբերյալ օրենսգրքով նախատեսված համապատասխան իրավախախտում, մենք զբաղվում ենք դրանցով»։
