Վարդենիս-Շորժա ավտոճանապարհին հունիսի 24-ին տեղի ունեցած ճանապարհատրանսպորտային պատահարի հետևանքով տուժած 8 զինծառայողների վիճակը բավարար է: Այս մասին տեղեկացնում է ՀՀ պաշտպանության նախարարության մամուլի քարտուղար Արծրուն Հովհաննիսյանը:

«Վթարից տուժած բոլոր 8 զինծառայողների մոտ էլ կա դրական դինամիկա, ոմանց օրերս կարող են դուրս գրել»,- գրել է Ա. Հովհաննիսյանը՝ֆեյսբուքյան իր էջում:

Հիշեցնենք, որ շաբաթ օրը խոշոր ավտովթար էր տեղի ունեցել Գեղարքունիքի մարզում։ Ժամը 06։30-ի սահմաններում Վարդենիս-Դարանիկ ավտոճանապարհի՝ Դարանիկ գյուղի վարչական տարածքում ՀՀ ՊՆ հաշվեկշռում հաշվառված ՊՆ համարանիշներով ГАЗ 66 մակնիշի ավտոբուսը կողաշրջվել էր, որի հետևանքով 14 զինծառայող ստացել էր մարմնական վնասվածքներ։