Կիրանցում լարված իրավիճակը պահպանվում է։ Քիչ առաջ վիճաբանություն տեղի ունեցավ գյուղացիներից մեկի ու ՆԳ նախարար Վահե Ղազարյանի միջև։ Դիմելով բնակչին՝ նախարարն ասաց․ «Պրովոկացիա ես անում»։ «Ինձ հետ մատով չխոսես»,- պատասխանեց գյուղացին։

***

Հասարակական, քաղաքական գործիչ Լուսինե Հարոյանը ֆեյսբուքյան իր էջում տեսանյութ է տարածել՝ գրելով հետևյալը․ «Սա գնդապետ Մախսուդյանն է։ Երեկ գնդապետը ցույց տվեց ՀՀ ներքին գործերի նախարարության ճիվաղապետ վահե ղազարյանին՝ իր ով լինելը, ավելի ճիշտ՝ ինչ լինելը, որովհետև վահեղազարյանական սրբապիղծ վիժվածքները մարդ չեն:
Կապ չունի, որ իր մենթերի քանակից սա իրեն ուժեղ է զգում՝ սա նույն ողորմելի վախկոտ, աբիժնիկ, քոսոտ, Չտղամարդ նիկոլն է, ինչպիսին որ իր շեֆը:
Մեկը, որ նիկոլի մանկության ընկերը լինի, դա ի՞նչ պիտի լինի, ո՞նց եք կարծում:
Իմիջիայլոց, վահե ղազարյան, ՈսկեպաՌ չէ, Ոսկեպար է, ու ինձ հետաքրքիր է, թե էդ ո՞ր օրվանից Քրդավանի բոմժը ռուսական ակցենտ ձեռք բերեց:
ՀՀ պաշտպանության նախարարություն, նիկոլաժեխ գեներալներ ու գնդապետներ, ձեզ էլ դիմելու բան չկա, որովհետև դուք անհայրենիք թշնամիներ եք:
Անգամ չեմ ուզում ամոթանք տալ ու ասել, որ օրինակ վերցնեք էս գնդապետից:
Ուղղակի լավ իմացեք, Սուրեն Պապիկյան, տականքի տակ պառկելը ձեզ չի փրկելու, ադրբեջանն առաջինը զինվորականներին է գլխատելու»։

***

Հարցին` ՔՊ-ականները հիմա ո՞նց են ժողովրդի աչքին նայում, Նիկոլ Փաշինյանի քավոր, ՔՊ-ական պատգամավոր Վահե Ղալումյանը պատասխանեց` ինձ նայեք, պատկերացրեք:

Լրագրողը նկատեց, որ հենց իրեն նայում է ու զարմանում:

«Դուք միշտ եք ինձ տեսնելիս զարմանում»,- վրա բերեց Ղալումյանը:
Լրագրողի հրավերքին` գնալ ու բողոքող քաղաքացիների մոտ կանգնել ու համարձակ նայել նրանց աչքերին, Ղալումյանն այդպես էլ մնաց անհաղորդ` փոխարենը լրագրողին մեղադրելով պրովոկացիայի համար:

Թյուրքագետ Վարուժան Գեղամյանի թելեգրամյան գրառումը․ «Ինչպես գիտեք, գիշերվանից տավուշցիները Բաղանիսի և Կիրանցի հատվածում փակել են միջպետական ճանապարհը` ի նշան բողոքի: Սա ժողովրդական դիմադրության օրինակ է: Այժմ ազգային առաջնորդները պետք է նեցուկ լինեն ժողովրդին»։