Արդեն տևական ժամանակ է, ինչ Հայաստանում գործում է Yandex.տաքսի ծառայությունը: Պատվերները կատարվում են բջջային հավելվածի և համակարգչի միջոցով: Հատկանշականն այն է, որ ռուսական տաքսի ծառայության հայաստանյան մասնաճյուղի քարտեզում Ստեփանակերտը նշված է որպես Խանքենդի, որը, իբրև թե, Ադրբեջանի մաս է կազմում: Ստացվում է, որ Հայաստանի ռազմավարական դաշնակից համարվող Ռուսաստանի ամենատարածված տաքսի ծառայություններից մեկն ընդունում է Ադրբեջանի «տարածքային ամբողջականությունը»:
Այս առիթով Asekose.am-ը կփորձի ներկայացնել Yandex. տաքսիի պաշտոնական պատասխանը:
Հավելենք նաև, որ թեպետ Yandex.տաքսի ծառայությունն արդեն համարվում է Հայաստանում գործող, սակայն հաճախ կարելի է հանդիպել կարծիքներ, որոնց համաձայն` այս ծառայության միջոցով պատվերն ընդունվում է, սակայն այն այդպես էլ տեղ չի հասնում:
