Ուկրաինայի նախագահ Վլադիմիր Զելենսկին Ռուսաստանի նախագահ Վլադիմիր Պուտինին հրավիրել է բանակցությունների։ Այս մասին նա հայտնել է Facebook-ում հրապարակված տեսաուղերձում։
«Ուզում եմ ևս մեկ անգամ դիմել Ռուսաստանի Դաշնության նախագահին. Ուկրաինայի ողջ տարածքում մարտեր են ընթանում. եկե՛ք նստենք բանակցությունների սեղանի շուրջ՝ կանգնեցնելու մարդկանց մահերը»:
Ավելի ուշ ՌԴ նախագահ Վլադիմիր Պուտինը ՉԺՀ նախագահ Սի Ծինփինի հետ զրույցում ասել է, որ Ռուսաստանը պատրաստ է բարձր մակարդակով բանակցություններ սկսել Ուկրաինայի հետ։ Զրույցի ընթացքում չինական կողմը հայտարարել է, որ աջակցում է բանակցությունների ճանապարհով Ռուսաստանի եւ Ուկրաինայի միջեւ հարաբերությունների կարգավորմանը։ Պուտինը հաստատել է, որ պատրաստ է բարձր մակարդակով շփվել Կիեւի հետ:
