ԵՊԲՀ ռեկտոր Արմեն Մուրադյանը ֆեյսբուքի իր էջում գրառում է կատարել Հայրենիքի պաշտպանի տան զինհաշմանդամ երիտասարդներից մեկի՝ Գառնիկ Մելիք-Կարապետյանի մասին: Արմեն Մուրադյանի գրառման համաձայն՝ Գառնիկն այսուհետ աշխատելու է որպես Աննա Հակոբյանի անձնական լուսանկարիչ:
«Աննա Հակոբյանն ունի նոր լուսանկարիչ.
Գառնիկը ծանոթացավ իր նոր Գործատուի՝ տիկին Աննա Հակոբյանի հետ Ռոբերտ Աբաջյանի ծննդյան օրը՝ Հայրենիքի պաշտպանի տանը:
Երբ Գառնիկը սկսեց լուսանկարել «աջ ու ձախ»՝ պարզ դարձավ, որ նա հմուտ լուսնկարիչ է ու ստացավ աշխատանքի առաջարկ:
Շնորհավորում եմ եղբայր ջան:
Նշեմ, որ Գառնիկը մեր Կենտրոնի տղաներից, ի դեպ, արդեն 12 զինհաշմանդամ ունի աշխատանք:
Որոշել ենք՝ 2019 թվականին այդ թիվը եռապատկելու ենք»,-գրել է Արմեն Մուրադյանը:
