19-ամյա Էլիսոնը ոչ մի կերպ չի կարողանում ձերբազատվել անվադողեր ուտելու իր սովորությունից: Նա ԱՄՆ Ջորջիա նահանգի Ատլանտա քաղաքից է. ռետինե դողերը մեծ ախորժակով է ուտում և դրանք համարում է իր ամենասիրելի կերակրատեսակը: Այս տարօրինակ կախվածությունը սկիզբ է առել 6 տարեկանում: Այդ օրվանից նա ամեն ամիս ավելի քան 6 կգ ռետինե թափոններ է ուտում: Այս ընթացքում ամերիկուհին այնքան ռետին է կերել, որքան որ կբավականացներ 50 անվադող արտադրելու համար:«Ինձ դուր է գալիս քիմիական համը: Դա հիանալի է»,- ասել է Էլիսոնը` համեմատելով անվադող ուտելը փոփկորնի հետ:
Էլիսոնի փեսացուն աշխատում է ավտոսպասարկման կենտրոնում, հետևաբար Էլիսոնը անվադողի պակաս չի ունենում: «Ռետինը ծամելը շատ դժվար է, ուստի իսկական փորձություն է ծնոտի համար»,- անկեղծացել է անվադողերի սիրահար աղջիկը:
Էլիսոնը նաև խոստովանել է, որ հաճույքով ուտում է նաև գրասենյակային տարբեր ռետինե պարագաներ, նույնիսկ կենդանիների համար նախատեսված խաղալիքներ:
Հավելենք, որ սա սննդային տարօրինակ կախվածության միակ դեպքը չէ: Հիշեցնենք, օրինակ, Նյու Յորքի 19-ամյա ուսանողուհուն, ով սիրում է դեզոդորանտներ ուտել:
