Արմավիրի մարզի ոստիկանության բաժիններից մեկում նյութեր են նախապատրաստվում Արմավիրի մարզում տեղի ունեցած սեքսուալ բնույթի բռնի գործողություններ կատարելու փաստով:
shamshyan.com-ն է գրում ու նշում, որ մարզի տարածքային ոստիկանության բաժիններից մեկի անչափահասների գործերով և ընտանիքի բռնության կանխարգելման բաժանմունքի ծառայողները՝ օպերատիվ տվյալներն իրացնելով, պարզել են, որ 2020 թվականի նոյեմբերին Արմավիրի մարզի գյուղերից մեկի բնակիչ, 53-ամյա Ա. Դ.-ն՝ օգտագործելով համագյուղացիներ, 12-ամյա և 9-ամյա տղա երեխաների անօգնական վիճակը, նրանց ծեծի ենթարկելու սպառնալիքների ներքո գյուղում սեքսուալ բնույթի բռնի գործողություններ է կատարել:
Ինչպես հայտնում է ֆոտոլրագրող Գագիկ Շամշյանը, ոստիկանների կողմից անցկացված բացատրական աշխատանքների արդյունքում օրեր առաջ Ա. Դ.-ն ներկայացել է տարածքային ոստիկանության բաժին, տվել համապատասխան բացատրություն և բաց թողնվել:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
