«Եթե ԱԺ մեծամասնությունն իրեն օրենքից դուրս է հայտարարում, թող հայտարարի: Մենք ՀՀ տարածքում ոչ մի միլիմետր չպետք է զիջենք այս հանցագործ իշխանությանը»,-ԱԺ-ի մուտքի առջև ասել է պատգամավոր Նիկոլ Փաշինյանը` նշելով, որ չունենք քվեարկության արդյունք, դե յուրե որոշում` արձանագրության վավերացման մասին:
Հիշեցնենք, որ այսօր ԱԺ-ում քվեարկության դրվեց դեկտեմբերի 2-ին Երևանում ստորագրված «Հայաստանի Հանրապետության կառավարության և Ռուսաստանի Դաշնության կառավարության միջև «ՀայՌուսգազարդ» փակ բաժնետիրական ընկերության բաժնետոմսերի առուվաճառքի և հետագա գործունեության պայմանների մասին» համաձայնագիրը:
Հաշվիչ հանձնաժողովի հաշվարկի արդյունքում պարզվեց, որ 77 ձայնով օրենքն ընդունվել է։
