Երկու օր առաջ` դեկտեմբերի 3-ին, պատիվ ունեցա ներկա լինելու կոմպոզիտոր Արմեն Դիվանյանի վառ հիշատակին նվիրված «Արևի հեքիաթը շարունակվում է» խորագրով համերգին: Շատ հուզիչ համերգ էր: Հատկապես ուշագրավ էր մի երգ, որի ավարտից հետո ամբողջ դահլիճը կանգնեց ոտքի, և մի քանի րոպե չէին դադարում ծափահարությունները: Երգի անվանումն էր «Արև»: Երգի հեղինակը կոմպոզիտոր Անժելա Ստեփանյանն է: «Արև»-ը գրվել է հատուկ Արմեն Դիվանյանի պայծառ հիշատակի պատվին: Անձամբ ես կարող եմ ասել, որ այդ մի քանի րոպեն մարմնովս սարսուռ էր անցնում: Հրաշալի բառեր, ներդաշնակ երաժշտություն և կոմպոզիտորի սիրելի սաների կատարում... Դա իսկական հրաշք էր: Նույնիսկ նկատեցի, թե ինչպես էր հանդիաստեսներից շատերի աչքերից արցունք գլորվում...
