ստորագրությամբ անգրագետ պաստառներ էր կպցնում քաղաքի պատերին: Լավ, սա մի կողմ, ասեմ որպես ռուս գրականության մասնագետ` Լեւ Տոլստոյը մասոն չեր, բավական է կարդալ "Պատերազմ եւ խաղաղություն" վեպում ծաղրանքով նկարագրված մասոնական ծեսերը, որոնցից զզվեց ու հիասթափվեց նրա հերոս`Պիեր Բեզուխովը: Գրքեր կարդացեք, պարոնայք "մասոնահայեր", այլ ոչ տառասխալներով լցված սեփական պատի թերթիկները...

ՏԻԳՐԱՆ ԽԶՄԱԼՅԱՆԻ ԳՐԱՌՈՒՄԸ` ֆեյսբուքյան իր էջից

Հիշեցնենք, որ ռեժիսոր Հայաստանի կինոգործիչների միության նախագահ Ռուբեն Գևորգյանը Report.am-ին տված հարցազրույցում հաստատել էր, որ ինքը մասոնների գերագույն հայոց օթյակի`  "Ազատ քարտաշների գերագույն օթյակի" անդամ է և հերքել է այն մեղադրանքները, թե իրենք նախագահական ընտրություններին են պատրաստվում, ասելով՝ ըստ մասոնական օրենքի, մասոնն  իրավունք չունի խառնվելու պետության քաղաքական, տնտեսական գործերին.

-"Մասոն" բառը սովորաբար առաջացնում է բացասական էմոցիաներ, որոնք եկել են դեռ ցարական Ռուսաստանի "ախրանկայից", սովետից, ՊԱԿ-ից: Եթե ասեմ ձեզ, որ Վոլտերից սկսած Տոլստոյ, Լեոնարդո Դա Վինչի, Բեթհովեն, Մոցարտ մասոն են եղել, ուրեմն ի՞նչ՝ չե՞ն իմացել դրա բացասական կողմերի մասին:

-Այդ հայտնի անուննե՞րը ձեզ ոգևորեցին մասոն դառնալ: 

-Ոչ, գաղափարները:

-Հատկապես ո՞ր գաղափարները:

- Եղբայրության գաղափարը, մասոնը մասոնին պետք է եղբայր լինի: Մասոններն ամբողջ աշխարհում պետք է հարմոնիա հաստատեն: Մարդիկ պետք է կիրթ լինեն: Ինչքան դրական, լավ բաներ կան, դրանք հենց մասոնական թեզերն են: Օթյակում իրար բարև են տալիս, լավ են վերաբերվում, օգնում են: Մասոնության հիմնական նպատակը տալն է, ոչ թե վերցնելը:

-Ումի՞ց կամ որտեղի՞ց են ստանում, որ հետո էլ տալիս են:

- Հավաքում ենք` տալիս ենք, ուսանողների վարձն ենք մուծում…

- Բարեգործական կազմակերպությո՞ւն եք այսինքն:

-Ոչ, բայց բարեգործությունը մասոնության հիմնաքարերից է:

-Իսկ մյուս հիմնաքարերը որո՞նք են:

-Մասոնը պիտի հավատացյալ լինի:

- Այսինքն՝ դուք հավատացյալ եք և մասո՞ն:

-Բա ոնց:

-Կարո՞ղ եք ասել, բացի Ձեզանից, ուրիշ ովքե՞ր են ձեր օթյակի անդամ:

- Մասոնը իրավունք չունի մեկ այլ մասոնից հետաքրքրվելու: Դա գաղտնի է պահվում:

-Փաստորեն դուք բաց կառույց չեք:

-Բացը բաց ենք: Բայց մեր կանոնադրությունն է այդպես, որ գալիս է հազարամյակից: Փակ ենք պահում, որ լուսամուտից կեղտ չլցվի և չարատավորի մասոնի բարի անունը:

-Ծանո՞թ եք Մեծ Բրիտանիայի հատուկ ծառայությունների երկարամյա գործակալ Ջոն Քոլեմանի "300-ի կոմիտեն-համաշխարհային կառավարության գաղտնիքները" գրքին, որտեղ նա փաստերով խոսում է աշխարհի գլոբալ կառավարման ձգտող մասոնական առաքելության մասին:

- Դա "ֆալշիվկա" է:

- Իսկ Հայաստանում հատկապես ի՞նչ ծրագրեր եք իրականացնելու:

- Մասոնական օթյակները գաղտնի են պահում իրենց ծրագրերը: Դրանք չեն հրապարակվում, որպեսզի այլ նպատակներով մասոնական օթյակ ոչ ոք չթափանցի:

-Այդ դեպքում Դուք ինչպե՞ս եք ծանոթացել այդ ծրագրերին և որոշել դառնալ մասոն:

-Ով փնտրում է, նա գտնում է: