Հայաստանի ազգային հավաքականի եւ Երեւանի «Փյունիկի» ֆուտբոլիստ Արաս Օզբիլիսը մամուլի ասուլիս է հրավիրել եւ պատասխանել լրագրողների հարցերին.

«Այն, ինչ ցանկանում եմ ասել ոչ իմ համար եմ ասում, ոչ էլ «Փյունիկի», այլ Հայաստանի առաջնության համար: Երեկ բոլորս տեսանք, թե ինչ պատահեց Էրիկ Վարդանյանի հետ: Ինքն էլ գիտի, որ սխալ վարվեց եւ հասկանում է, որ մեղավոր է: Երբ մենք խաղում էինք «Լոռիի» հետ, մրցակցի դաշտում 70-րդ րոպեի սահմաններում մրցավարը սուլում է եւ հնչում են վերջին կարգի վիրավորանքներ ու հայհոյանքներ: Եթե իրեն այդպես պահողը չի պատժվում, ապա չպետք է պատժվի նաեւ Էրիկը: Այնուհետեւ դրանից մի քանի րոպե անց ստադիոնից լսվում է բացականչություններ՝ «էդ կապիկի ոտքը ջարդեք». դա ուղղված էր Վարդանյանին:

Դրանից հետո այդ մարդը մեզ հետ օդանավով գալիս է, որ «բալետ անի էդ կապիկներին». սա ուղղակի ամոթ է: Հնարավոր է, որ Ռուբեն Հայրապետյանի ժամանակ ամեն ինչ նորմալ չէր, բայց կար կարգապահություն: Ես արդեն 29 տարեկան եմ ու իմ կարիերայի ընթացքում շատ բան եմ տեսել: Հիմա եկել եմ Հայաստանում խաղալու համար: Շուտով կդառնամ 30, Հենոն նույնպես 30 է, Մարսկոսը 35, ո՞վ պետք է գա մեր հետեւից, երիտասարդական հավաքականներից քանի՞ հոգի է խաղում Բարձրագույն խմբում: Եթե դուք այս իրավիճակը համարում եք լավ, ապա ես ոչինչ չունեմ ասելու: Եթե ֆուտբոլ է բիզնես է, պետք է ընդհանուր մեկ թիմ հավաքել եւ խաղալ Չեմպիոնների Լիգայում, բայց դա հարցի լուծում չէ: Պետք չէ կանգնել նույն տեղում: Շատ բաներ պետք է փոխենք եւ առաջ գնանք, չէ՞, որ 2004-ին Հունաստանն էլ հաղթեց Եվրոպայի առաջնությունում»,- ասել է Օզբիլիսը:

Աղբյուրն՝ այստեղ