«Երաժիշտ–պրոդյուսեր Արամ Րիանը (VO.X) եւ նրա դուստր Ռեբեկկան վերջերս դարձան Հայաստանի առաջին ներկայացուցիչները, որոնց հաջողվեց հայտնվել հանճարեղ Պոլ Մակարտնիի ուշադրության կենտրոնում` նրա մադրիդյան համերգի ընթացքում: Մարզադաշտում ներկա գտնվող 55,000 հոգուց լեգենդար Բիթլն անձամբ նախընտրեց ընդունել միայն Արամի եւ Ռեբեկկայի կողմից պատրաստած նվերներն` իր ծննդյան օրվա առթիվ: Նվերները ներկայացնում էին ինչպես Արամ Րիանի երգարվեստն, այնպես էլ Հայաստանը եւ Երեւանում գտնվող ԹՈՒՄՈ ստեղծարար տեխնոլոգիաների կենտրոնը: Այս կապակցությամբ` ՊՐԵՄԻԵՐԱ. Արամ Րիանի London Etude-ի նոր տարբերակը` վերոնշյալ իրադարձությունը լուսաբանող տեսանյութով հանդերձ: Երգն անձամբ Պոլ Մակարտնիին նվիրված From Rián To McCartney (2016) ալբոմից է»,-նշված է Արամ Րիանի ֆեյսբուքյան էջում :