«Հայաստանում ոչ թե մեծացել է երկսեռամոլների կամ նույնասեռականների թիվը՝ այլ ազատ է դարձել այդ մասին խոսելը»:
Այսօրվա ասուլիսի ժամանակ խոսելով դեռահասների սեռական կողմնորոշման մասին՝ նման կարծիք է հայտնել սեքսապատոլոգ Վրեժ Շահրամանյանը:
Շահրամանյանի խոսքով` Առողջապահության համաշխարհային կազմակերպության կողմից նույնասեռականությունն արդեն չի ընկալվում որպես հիվանդություն և ոչ միայն Հայաստանում, այլ նաև՝ մյուս երկրներում:
Ասուլիսի մյուս բանախոս հոգեբան Սիրանուշ Անդերասյանը նշել է, որ ըստ գիտնականների հետազոտությունների՝ կան սեռական կողմնորոշման մի քանի վարկածներ, որոնք ապացուցված չեն, ինչպես` գենետիկ, սոցիալական:
«Ընտանիքում տաբուները, թերևս չեն կարող ազդել միասեռական կամ երկսեռական կողմորոշման վրա, բայց ընդհանուր սոցիալական միջավայրը մեծ նշանակություն ունի՝ մանավանդ դեռահաս տարիքում»,- եզրափակել է իր խոսքը հոգեբանը: