Հետազոտողները հարցումներ են անցկացրել և պարզել, որ «սեր` առաջին հայացքից» բնութագրումն այնքան էլ դրական բան չէ, հատկապես եթե դա վերաբերում է ուժեղ սեռի ներկայացուցիչներին:
Հարցմանը մասնակցել են 5000 միայնակ տղամարդիկ և կանայք: Հարցված տղամարդկանց գրեթե 40 տոկոսը, երբ սիրահարվում է առաջին հայացքից, խոստովանել է, որ դավաճանել է զուգընկերուհուն: Կանանց մոտ դավաճանության ցուցանիշը զգալի ցածր է:
Մասնագետները պարզել են, որ այն տղամարդիկ որոնք հավատում են «սեր` առաջին հայացքից» եզրույթին, 3 անգամ ավելի հաճախ են դավաճանում իրենց կանանց: Թերևս դրա բացատրությունն այն է, որ տղամարդիկ, որոնք արագ են սիրահարվում, կարող են դա բազմիցս անել: Բրիտանացի գիտնականները պնդում են. «Այն տղամարդը, որը սիրահարվում է հենց առաջին հայացքից, չի տարբերում սերն ու սիրահարվածությունը, դրա համար էլ ավելի հաճախ է դավաճանում»:
