ASEKOSE.am-ի խմբագրություն այսօր նամակ է ստացվել մեր ընթերցող Վարդանուշ Գրիգորյանի անունից (նամակագրի անունը և ազգանունը փոխված են). ինչպես նամակագիրն է նշում` նա իր նամակում ներկայացնում է «Գյումրվա իրականությունը»: Նամակն առանց փոփոխությունների ներկայացնում ենք ստորև.
«Գյումրու նախկին քաղաքապետ Վարդան Ղուկասյանը սկսել է փոխել իր մարտավարությունը և անցել է ոստիկանության դեմ յուրօրինակ պայքար մղելուն: Եթե նախկինում Ղուկասյանները բավարարվում էին ընդամենը այս կամ այն լուրին չոր ու կոպիտ հերքում տալով, ապա հիմա ոստիկանությանը «վրա են քշում» նրանց ընտանիքի անդամների շահերը պաշտպանող փաստաբանները: Վերջերս ասուլիս էր հրավիրել Ղուկասյանների գործով փաստաբաններից Թամարա Յայլոյանը, ով հայտարարեց, իբրև թե ոստիկանները սպառնացել են նրան, իսկ այսօր նույն փաստաբանի կողմից հնչեցվեց հերթական «սենսացիոն» հայտարարությունը՝ «երբ Վարդան Ղուկասյանը և նրա հարազատներն իշխանություն էին, ամեն ինչ լավ էր»: Գյումրիում արդեն կատակում են, որ Վարդանիկն ունի նոր մամլո խոսնակ, ով «փաստաբանի մատոռով է»:
Գյումրիում համոզված են, որ Ղուկասյանների այս նոր մարտավարությունը կոչված է խոչընդոտելու ոստիկանության աշխատանքները, քանզի փաստաբանի վերջին հայտարարություններից հետո Շիրակի մարզի դատախազությունը քրեական գործ է հարուցել փաստաբանին սպառնալու մասին հայտարարությունը հիմք ընդունելով»:
