«Որոշ բարեգործական, հասարակական կազմակերպություններ, այդ թվում՝ «Վորլդ Վիժն Հայաստան» կազմակերպությունը հովանավորում է աղանդներին՝ նպաստելով դրանց գործունեությանը»,- այս մասին ASEKOSE.am-ի թղթակցի հետ զրույցում նշեց ՄԵԼ համանախագահ Սևակ Հովհաննիսյանը:
Նրա խոսքով՝
«Ըստ մեր ունեցած տեղեկությունների՝ «Վորլդ Վիժն » կազմակերպությունը ֆինանսավորում է մի շարք աղանդավորական կազմակերպությունների: Այդ մասին է վկայում հենց իրենց կայքում զետեղված նյութը, համաձայն որի՝ իրենք համագործակցում են ավետարանական հավատքի եկեղեցիների հետ»:
Սևակ Հովհաննիսյանը նշեց մի շարք բարեգործական կազմակերպություններ, որոնք ևս հովանավորում են աղանդներին.
«Դրանցից են «Young life» երիտասարդական միջազգային բարեգործական հիմնադրամը, որը պատկանում է «Կյանքի խոսք» աղանդին: Տնօրենը Լիլիթ Ասատրյանն է: Հիմնականում Ճամբարներ են կազմակերպում, քրիստոնեական են ձևանում, բայց կազմակերպությունը «Կյանքի խոսքին» է պատկանում: «Հայաստանի քրիստոնեական բժշկական միությունը», որը տարբեր մարզերում իբր բժշկական բարեգործական միջոցառումներ է կազմակերպում, բայց իրենց նպատակը մարդկանց աղանդների մեջ ներքաշելն է: Այդպիսի կազմակերպություններից են նաև «Հայաստանյաց ավետարանական ճեմարանը», «Կաթոլիկ» բարեգործական կազմակերպությունը, «Բարի լուր բարեգործական կրթություն» ՀԿ-ն, «Գեդեոն» բարեգործական կազմակերպությունը»:
Այս ընթացքում ՄԵԼ-ի կողմից բացահայտվել է 5 նոր աղանդ ՝ Ջերմուկի «Կյանքի ջուր», Բջնիի «Աստծո թագավորական քահանայություն», Սևանի «Ավետաբեր եկեղեցի», Չարենցավանի «Երգ երգոց» և Լիբանանից վերջերս թափանցած «Կյանքի աղբյուր» աղանդները:
