ՀՀ տարածքային կառավարման ու զարգացման նախարար Դավիթ Լոքյանն այսօր կառավարության հերթական նիստին ներկայացրեց Ջերմուկ քաղաքի կառուցապատման, ընդհանուր երկրորդային բևեռային քաղաքներ խոշորածավալ ծրագրի առաջին փուլի ֆինանսավորման խնդրի լուծման որոշման նախագիծը:
«Հայտնի է, որ մենք տարածքային անհամաչափության վերացման ուղղությամբ հանրապետությունում նախատեսում ենք 8-ից 10, կարելի է ասել, չակերտավոր մեգապոլիսներ, որոնք իրենց շրջակայքի , գյուղական բնակավայրերի տարածքները պետք է աշխուժացնեն՝ առավել հզոր լինելու պայմանով»,-ասաց նախարարը:
Այսպիսով՝ նախատեսվում է ՀՀ տարածքային զարգացման հիմնադրամին հատկացնել 1 միլիարդ 190 միլիոն դրամ, որը նպատակաուղղված է ենթակառուցվածքների հզորացմանը, ընդհանուր բնակավայրի միջավայրի նորմալ ձևավորմանը:
«Իսկ հաջորդ տարի շարունակական այս ծրագրով մենք իրականացնում ենք բիզնեսի և նորից պետության մասնակցությամբ մի շարք ենթակառուցվածքների ստեղծում, որոնք Ջերմուկը դարձնելու են խիստ արդյունավետ կենտրոն, գրավչությունը խիստ մեծանալու է»,-ասաց նախարարը:
Անդրադառնալով նախագծին՝ վարչապետ Կարեն Կարապետյանը կատակեց. «Բոլորս հասկացե՞ լ ենք, որ Ջերմուկն արդեն մեգապոլիս է», ինչին նախարարն արձագանքեց. «Բայց չակերտները չմոռանաք»:
Կարդացեք նաև՝ «Ընենց որ, քիչ ծխեք». գործադիրն ընդունեց ծխելու դեմ պայքարի ռազմավարությունը