«Հավաքելու, պահել-պահպանելու ու մեր սերունդներին ենք փոխանցելու այն ամենը, ինչ եղել է մեր երկրում՝ վերջին 25 տարիների ընթացքում: Դրանք պետական մարմինների փաստաթղթեր են, որոնք պարբերաբար համալրում ենք:
Առայժմ փաստաթղթերն արխիվ չեն հանձնել Պաշտպանության նախարարությունը, Արտաքին գործերի նախարարությունն ու Ազգային անվտանգության ծառայությունը: Փաստաթղթերը պահելու նրանց իրավունքը 50 տարի է:
Այս տարի ստացանք նաև ՀՀ առաջին նախագահ Լևոն Տեր-Պետրոսյանի՝ մինչև 1997 թվականի փետրվարի փաստաթղթերը: Դրանք իր ստորագրած առաջին հրամանագրերն են, ստացած փաստաթղթերը և այլն»,-լրագրողների հետ հանդիպման ժամանակ տեղեկացրեց Հայաստանի ազգային արխիվի տնօրեն Ամատունի Վիրաբյանը:
Նրա փոխանցմամբ՝ այս տարի ստացել են նաև Կառավարության մինչև 2005 թվականի փաստաթղթերը:
«Պետք է սկսենք նաև էլեկտրոնային փաստաթղթերի ընդունումը»,-նշեց Ազգային արխիվի տնօրենը:
