Նիդեռլանդների պառլամենտը, ձայների բացարձակ մեծամասնությամբ պաշտոնապես ճանաչեց 1915 թվականին Օսմանյան կայսրությունում տեղի ունեցած դեպքերը, դրանք որակելով որպես Հայոց ցեղասպանություն:
Նիդեռլանդների պառլամենտին էր ներկայացված 2 բանաձեւ: Առաջինով պառլամենտը ճանաչեց Հայոց Ցեղասպանությունը, երկրորդով՝ երկրի պետքարտուղարը պարտավորվեց ամեն 5 տարին մեկ, ապրիլի 24-ին այցելել Եղեռնի հուշահամալիր Ծիծեռնակաբերդ ու հարգանքի տուրք մատուցել Ցեղասպանության 1,5 միլիոն զոհերին, փոխանցում է Reuters-ը:
«Քրիստոնեական Միություն» կուսակցության անդամ Ջոել Ֆորդեւինդի կողմից հեղինակած փաստաթղթերը խորհրդարանում մեծամասնության աջակցությունն են ստացել:
Բանաձեւերն ընդունվել են 142 կողմ ձայներով: