Թուրքիայի խորհրդարանական ընտրությունների նախնական արդյունքներով մեջլիսում 2 հայ պատգամավոր կլինի: Կարո Փայլանի կուսակցությունը հավաքել է 65 տոկոս ձայն։
Նոր մեջլիսում կլինեն քրդամետ Ժողովուրդների դեմոկրատական կուսակցության կողմից Դիարբեքիրում առաջադրված հայազգի Գարո Փայլանը և իշխող «Արդարություն և զարգացում» կուսակցության կողմից Ստամբուլի 2-րդ ընտրատեղամասում առաջադրված Մարգար Եսայանը:
Նշենք, որ իր պատգամավորական գործունեության ժամանակ Գարո Փայլանը մշտապես բարձրաձայնել է հայ համայնքին հուզող հարցերը: Նա աչքի է ընկել Թուրքիայի մեջլիսում իր համարձակ ելույթներով, որոնցում բազմիցս բարձրաձայնել է Հայոց ցեղասպանության մասին:
Հիշեցնենք, որ Թուրքիայի նախագահի թեկնածու Էրդողանը 53 տոկոս ձայներով առաջին փուլով նախագահ է ընտրվել։ Խորհրդարանական ընտրություններում Էրդողանի ղեկավարած կուսակցությունը հավաքել 42 տոկոս և կորցրել մեծամասնությունը խորհրդարանում։