ՀՀ նախագահ Արմեն Սարգսյանի հրամանագրով՝ Գեղամ Գևորգյանը (լուսանկարում՝ աջից) նշանակվել է գյուղատնտեսության նախարար: Այս մասին տեղեկանում ենք նախագահի պաշտոնական կայքէջից:
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» Հայաստանի Հանրապետության օրենքի 5-րդ հոդվածի 1-ին մասի՝ Գեղամ Գևորգյանին նշանակել գյուղատնտեսության նախարար»,-ասված է հրամանագրի մեջ:
Նախագահի մեկ այլ հրամանագրով՝ Տիգրան Խաչատրյանը (լուսանկարում՝ ձախից) նշանակվել է տնտեսական զարգացման և ներդրումների նախարար:
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» Հայաստանի Հանրապետության օրենքի 5-րդ հոդվածի 1-ին մասի՝ Տիգրան Խաչատրյանին նշանակել տնտեսական զարգացման և ներդրումների նախարար»:
